友邦（1299）明年將邁向100周年，好多人以為友邦英文名係AIA，有American呢個字眼，所以以為呢間公司係美國成立。睇返資料，原來友邦最初係美國人Cornelius Vander Starr喺中國上海註冊，1939年日本侵華嘅時候，佢就將office搬咗去紐約，之後公司架構都經歷唔少轉變，例如2009年母公司AIG將AIA出售，2010年香港上市，香港就變咗友邦依家嘅總部，亦都解釋咗友邦喺中國點解可以100%由外資持股，原來係因為有深厚嘅歷史背景。

噚日華華同友邦香港CEO顧培德（Peter）食飯，佢話明年友邦會有一連串活動慶祝100周年，又話自己喺100周年入面，佔咗當中嘅25年，仲特登預備咗壽包預祝定先，最緊要係佢自己都好鍾意食，亦都知呢個係中式生日蛋糕。

好多有長遠歷史嘅大型公司都有博物館，Peter話原來友邦都有，不過喺上海，香港人咁啱經過，其實可以入去睇下，開放畀大眾。

近百年基業發展里程碑

圖片 及 資料來源： 蘋果財經, AIA